16-njy oktýabrda Ýokary liga wekilçilik edýän toparlaryň ýaşlar düzümleriniň arasyndaky birinjilikde 29-njy tapgyryň senesi süýşürilen duşuşygy geçirildi. Onda «Ahalyň» ýaşlar düzümi «ARKADAG» toparynyň ýaşlaryny kabul etdi.

2:0 hasabynda «Ahal-II»-niň ýeňşi bilen tamamlanan duşuşykda gollary Annamyrat Meredow bilen Ýakupmuhammet Gowşudow geçirdi. «ARKADAG-II» toparynyň şu möwsümdäki ilkinji utulyşydyr.

Duşuşykdan soň «Ahalyň» ýaşlary «ARKADAG-II» bilen aralygy 19 utuga çenli ýygyrdylar. Muňa garamazdan, Ýokary ligada çempion bolan toparyň Ýaşlar birinjiliginde hem çempion bolmaga mümkinçiligi has ýokary.

TÝB ― 2024. 29-njy tapgyryň geçirilen duşuşygynyň netijesi:
16.10.2024ý. (Çarşenbe)

«Ahal-II» – «ARKADAG-II» ― 2:0

[1:0] ― 14' Annamyrat Meredow

[2:0] ― 75' Ýakupmuhammet Gowşudow

Duýduryşlar:

45'+1 Didar Nazjanow («Ahal-II»)

52' Bagrat Gasanbekow («ARKADAG-II»)

75' Ýakupmuhammet Gowşudow («Ahal-II»)

82' Ýagşysähet Döwletgeldiýew («Ahal-II»)

90'+3 Medetgeldi Çaryýew («Ahal-II»)

Geçirilen ýeri: “Aşgabat” stadiony, ätiýaçdaky meýdança (Aşgabat ş.)
Duşuşygyň emini: E.Annamyradow (Balkanabat ş.)
Kömekçi eminler: M.Şanazarow (Ýolöten ş.), M.Nurberdiýew (Aşgabat ş.)
Ätiýaçdaky emin: Ş.Hydyrow (Balkanabat ş.)  
Gözegçi emin: A.Sapaýew (Daşoguz ş.)

TÝB ― 2024. Ýaryş tertibi: (29-njy tapgyryň çäginde geçirilen «Ahal-II» – «ARKADAG-II» duşuşygyndan soň / 16.10.2024)