18-nji we 19-njy sentýabrda Türkmenistanyň futbol boýunça ýaşlar birinjiliginiň 21-nji tapgyrynyň çäginde dört duşuşyk geçirildi. «Şagadam II» öz meýdançasynda «Merw II» toparyny 3:0 hasabynda ýeňdi, «Altyn Asyr II» myhmançylykda «Nebitçi II» toparyndan 3:1 hasabynda üstün çykdy, «Ahal II» myhmançylykda «Aşgabat II» toparyny 2:0 hasabynda ýeňip geçdi, «Arkadag II» bolsa myhmançylykda «Köpetdag II» toparyndan 4:0 hasabynda uly hasapda ýeňiş gazandy.

18-nji sentýabrda Türkmenbaşydaky «Şagadam» stadionynda «Şagadam II» bilen «Merw II» topary bilen duşuşyp, 3:0 hasabynda ýeňiş gazandy. Toparyň gollaryny 8-nji minutda 11 metrlik jerime urgusyndan hem-de 84-nji minutda tapawutlanan Kadyr Uşakow bilen 30-njy minutda tapawutlanan Muhammet Allaberdiýew geçirdi. «Şagadam II» toparyndan Didar Nazjanow, myhmanlardan bolsa Maksim Pleşakow, Kakabaý Gaýgysyzow, Eziz Amanow, Muhammetdurdy Ataýew we Ýakup Atamyradow duýduryş aldylar.

Şol gün Balkanabatda «Nebitçi II» «Altyn Asyr II» toparyndan 1:3 hasabynda utuldy. Meýdançanyň eýelerinden Berdiguly Allaberdiýew 30-njy minutda gol geçirdi. Myhmanlardan bolsa Rahym Ýarow (12-nji minut), Ýakupberdi Baýramgeldiýew (64-nji minut) we Meýlis Gurbandurdyýew (79-njy minut) tapawutlandylar. Duýduryşlary «Nebitçi II» toparyndan Söýеnç Toýçyýew bilen Geldimyrat Salmyradow, «Altyn Asyr II» toparyndan bolsa Ýakupberdi Baýramgeldiýew, Orazguly Orazdurdyýew we Resul Röwşenmyradow aldylar.

Türkmen paýtagtyndaky «Aşgabat» stadionynda «Aşgabat II» «Ahal II» toparyny kabul edip, 0:2 hasabynda utuldy. Gollary Meýlis Gaýlyýew (33-nji minut) we Annamyrat Meredow (89-njy minut) geçirdiler. Meýdançanyň eýelerinden Wepamyrat Berkeliýew, Ýeniş Berdimyradow, Şanazar Muhammetnazarow we Kerim Baýramow, myhmanlardan bolsa Maksat Ilmyradow (45+2-nji minut) we Öwezmyrat Öwezmyradow (84-nji minut) duýduryş aldylar.

19-njy sentýabrda Aşgabatda «Köpetdag II» «Arkadag II» toparyndan 0:4 hasabynda agyr ýeňlişe sezewar boldy. Gollary 22-nji minutda Nurýagdy Baýramow hem-de 53-nji (11 metrlik jerime urgusyndan), 82-nji (şeýle-de jerime urgusyndan) we 84-nji minutlarda Süleýmannazar Gowşudow geçirdiler. Meýdançanyň eýelerinden Ruslan Ýaýlymow we Ýunus Annasahedow duýduryş aldylar; myhmanlardan bolsa Kerwen Nyýazow, Gurbangeldi Garajaýew, Mekan Muhammedow, Nurýagdy Baýramow we Hangeldi Berdiýew duýduryş aldylar.