24-nji sentýabrda Türkmenistanyň futbol boýunça çempionatynyň 22-nji tapgyrynyň senesi üýtgedilen duşuşygynda «Arkadag» myhmançylykda «Merwi» 5:0 hasabynda ýeňdi.

Duşuşyk Mary şäherindäki «Merw» stadionynda geçirildi. Altymyrat Annadurdyýew 18-nji we 63-nji minutlarda garşydaşynyň derwezesine pökgi girizip, iki gezek tapawutlandy. «Arkadagyň» düzüminde ýene üç pökgini Şanazar Tirkişow (50-nji minut), Ahmet Ataýew (62-nji minut) we Abdy Bäşimow (73-nji minut) derwezä girizdi.

Duşuşygyň dowamynda Myrat Aşyrow («Merw», 88-nji minut) we Berdimyrat Rejepow («Arkadag», 65-nji minut) duýduryş aldylar.