19-njy we 20-njy sentýabrda ýurdumyzyň futbol boýunça çempionatynyň 21-nji tapgyrynyň duşuşyklary geçirildi. Tapgyryň jemleri boýunça «Şagadam» «Merwi» 2:1 hasabynda utdy, «Altyn Asyr» «Nebitçini» 3:1 hasabynda ýeňdi, «Ahal» «Aşgabady» 5:2 hasabynda uly hasap bilen ýeňlişe sezewar etdi, «Arkadag» bolsa myhmançylykda «Köpetdagy» 1:0 hasabynda ýeňdi.

19-njy sentýabrda Türkmenbaşy şäherindäki «Şagadam» stadionynda «Şagadam» «Merwi» kabul etdi. Meýdançanyň eýeleriniň düzüminde 86-njy minutda Gurbanguly Garaýew, 89-njy minutda bolsa Serdar Gulyýew tapawutlandy. «Merwiň» düzüminden ýeke-täk goly 7-nji minutda Süleýman Muhadow geçirdi.

Şol gün Balkanabatda «Nebitçi» «Altyn Asyr» toparyndan 1:3 hasabynda utuldy. «Altyn Asyryň» düzüminde 1-nji minutda Weýisgeldi Orazdurdyýew, 41-nji minutda Röwşengeldi Halmämmedow we 49-njy minutda Bagtyýar Gürgenow tapawutlandy. «Nebitçiniň» ýeke-täk goluny 79-njy minutda Baýramgeldi Nurlyýew geçirdi.

Aşgabatdaky «Nusaý» stadionynda «Aşgabat» «Ahal» toparyny kabul etdi we 2:5 hasabynda utuldy. Meýdançanyň eýeleriniň düzüminde 81-nji minutda Merdan Muhadow we 90+4-nji minutda Tirkişmyrat Sarymyradow gol geçirdi. «Ahalyň» düzüminde 29-njy minutda Döwran Hojamämmedow, 41-nji minutda Süleýman Mirzoýew, 64-nji we 75-nji minutlarda iki gezek tapawutlanan Magtymberdi Berenow, şeýle-de 88-nji minutda Bäşim Gurbanberdiýew gol geçirdi.

20-njy sentýabrda Aşgabatda «Köpetdag» «Arkadagy» kabul etdi we 0:1 hasabynda utuldy. Ýeke-täk goly Yhlas Toýjanow geçirdi.