Türkmenistanyň futbol çempionatynyň 5-nji tapgyrynyň jemleýji duşuşyklary geçirildi. Myhmançylykda «Şagadamdan» 2:1 hasabynda üstün çykan «Ahal» topary 9 utuk toplap, ýaryş tertibinde öňdäki oruna geçdi.

Duşuşykda «Ahal» toparyna ýeňiş getiren gollary 10 we 74-nji minutlarda Elman Tagaýew geçirmegi başardy. «Şagadamyň» ýeke-täk pökgüsini 7-nji minutda Ilýa Tamurkin tora girizmegi başardy.

Türkmenistanyň futbol çempionatynyň 6-njy tapgyrynyň duşuşyklary 11-nji, 12-nji hem-de 13-nji aprelde geçiriler: «Ahal» – «Merw», «Altyn Asyr» – «Şagadam», «Arkadag» – «Aşgabat», «Köpetdag» – «Nebitçi».

Çeşme: Türkmenistanyň Futbol Federasiýasy