Türkmenistanyň futbol çempionatynyň Ýokary ligasynda düýn 27-nji tapgyryň iki duşuşygy geçirildi. Olaryň ikisinde-de ýeňijiniň bolmandygy günüň esasy aýratynlygydyr.
Balkanabat şäherinde geçirilen duşuşykda ýerli «Nebitçi» Marynyň «Merwi» bilen 1:1 hasabynda deňme-deň oýnady. Aslynda, 23-nji minutda Şöhrat Öwmadowyň geçiren goly bilen öňe saýlanan «Merw» ýeňşi goşmaça wagtyň üçünji minudynda elden gidirdi. Şondan soň has dartgynlaşan oýun myhman topardan Farhat Italmazowyň gyzyl kart alyp, oýun çykarylmagyna hem sebäp boldy.
Paýtagtymyzda ýerli «Aşgabat» bilen «Şagadamyň» arasyndaky duşuşygyň ýiti hüjümlere we dartgynly pursatlara baý bolandygyna garamazdan, gol geçirmek hiç bir tarapa-da başartmady.
Bu duşuşyklardan soň toparlaryň dördüsi hem 1 utukdan gazandy. Şeýlelikde, «Şagadam» 34, «Merw» 29, «Nebitçi» 26, «Aşgabat» bolsa 19 utuga çykdy.
Tapgyrdaky «Ahal» ― «Köpetdag» we «Altyn Asyr» ― «ARKADAG» duşuşyklary ätiýaçdaky günlere geçirildi.
TÝL ― 2024. 27-nji tapgyryň netijeleri:
16.10.2024ý. (Çarşenbe)
«Aşgabat» – «Şagadam» ― 0:0
Duýduryşlar:
22' Selim Ataýew («Şagadam»)
33' Bäşim Gurbanberdiýew («Aşgabat»)
38' Orazaly Begnazarow («Aşgabat»)
60' Baýram Ataýew («Şagadam»)
83' Möwlamberdi Goşşanow («Aşgabat»)
88' Didar Didarow («Aşgabat»)
90'+1 Didar Tejenow («Şagadam»)
Geçirilen ýeri: “Nusaý” stadiony (Aşgabat ş.)
Duşuşygyň emini: R.Mämmedow (Aşgabat ş.)
Kömekçi eminler: B.Haknazarow (Aşgabat ş.), I.Kurambaýew (Daşoguz ş.)
Ätiýaçdaky emin: M.Allaberdiýew (Aşgabat ş.)
Gözegçi emin: B.Atajanow (Daşoguz ş.).
«Nebitçi» – «Merw» ― 1:1
[0:1] ― 23' Şöhrat Öwmadow
[1:1] ― 90'+3 Serdar Tukyýew
Duýduryşlar:
33' Aşyrgeldi Saryýew («Nebitçi»)
54' Arslangylyç Nazgylyjow («Nebitçi»)
71' Daýanç Orazgulyýew («Nebitçi»)
71' Şöhrat Öwmadow («Merw»)
Meýdandan çykarylan:
90'+11 Farhat Italmazow («Merw»)
Geçirilen ýeri: “Sport toplumy” stadiony (Balkanabat ş.)
Duşuşygyň emini: A.Gurbanow (Aşgabat ş.)
Kömekçi eminler: E.Ýazmyradow (Aşgabat ş.), Ý.Jumamyradow (Aşgabat ş.)
Ätiýaçdaky emin: A.Annamyradow (Balkanabat ş.)
Gözegçi emin: R.Japarow (Aşgabat ş.)
TÝL ― 2024. Ýaryş tertibi: (27-nji tapgyrdan soň / 16.10.2024)
