16-njy fewralda TFF-niň Kubogy ugrundaky bäsleşigiň 2-nji tapgyrynyň duşuşyklary geçirildi.

Bu tapgyrda “Ahaldan” 3:2 hasabynda üstün çykan “Arkadag” topary toplan 6 utugy bilen ýaryş tertibiniň birinji basgançagyny eýelemegini dowam edýär.

Duşuşykda 24-nji minutda Güýçmyrat Annagulyýew, 31-nji minutda Didar Durdyýew, 50-nji minutda Resul Hojaýew (“Arkadag”) – 16-njy minutda Daýanç Meredow, 90+3-nji minutda Ýakupmuhammet Gowşudow (“Ahal”) tapawutlandy.

TFF-niň Kubogy ugrundaky bäsleşigiň 3-nji tapgyrynda 18-nji fewralda “Şagadam” – “Arkadag”, “Ahal” – “Nebitçi” oýunlary geçiriler.