Sportyň mekany bolan Türkmenistanda geçen 2024-nji ýylda uly üstünlikler gazanyldy. Futbol boýunça Türkmenistanyň çäklerinde geçirilen köpsanly duşuşyklaryň netijesi boýunça "Ahal" futbol topary ýokary derejelere eýe boldy. Geçen möwsümiň dowamynda bu topar 3 sany kümüş kubogyny gazandy.

"Ahal" futbol boýunça Türkmenistanyň Ýokary Ligasyny 22 ýeňiş, 1 deňlik we 7 ýeňliş bilen tamamlap, 67 utuk bilen 2-nji baýrakly orny eýeledi. Türkmenistanyň Kubogynda bolsa bu topar 1/4 duşuşygynda "Köpetdagy" 1/2 duşuşygynda bolsa "Altyn asyry" ýeňip final tapgyryna çykmagy başardy we 2-nji orny eýeläp kümüş kuboga mynasyp boldy. Şeýle hem Türkmenistanyň Naýbaşy kubogynyň kümüş kubogyny hem "Ahal" topary gazanmagy başardy.

Geçen möwsümdäki ajaýyp çykyşy bilen ýokary netijeleri gazanan "Ahal" toparynyň geljek möwsümde hem futbol boýunça ýurdumyzda we dünýä derejeli çempionatlarda uly üstünlikler bilen çykyş edip, kuboklar gazanmagyna garaşylýar. "Ahal" toparynyň geçen möwsümdäki ajaýyp çykyşy hem taryhyň gatlaryna altyn harplar bilen ýazyldy.