Türkmenistanyň Futbol federasiýasy tarapyndan 27-nji dekabrda guralan baýrak gowşurylyş dabarasynda ýurdumyzyň futbol çempionatynyň hem-de ýaşlar birinjiliginiň geçen möwsüminde tapawutlanan oýunçylar bilen birlikde tälimçi hem-de toparlar sylaglanyldy.

Yurdumyzyň futbol çempionatynyň hem-de ýaşlar birinjiliginde tapawutlananlaryň köpçülikleýin habar beriş serişdeleriniň sport žurnalistleriniň we Yokary liganyň futbol klublarynyň wekilleriniň arasynda ýazuw arkaly geçirilen pikir-soraşmanyň netijesinde kesgitlenendigini bellemek gerek.

Geçirilen ses berlişigiň netijesinde "Ahal" toparynyň ýarymgoragçysy Elman Tagaýew "Iň ökde oýunçy" diýlip yglan edildi. Geçirilen ses berlişikden bassyr ikinji ýyl bu baýraga mynasyp bolan 35 ýaşly futbolça baýragy Türkmenistanyň Futbol federasiýasynyň başlygy Guwançmuhammet Öwekow bilen TFF-niň Baş sekretary Serdar Geldiýew gowşurdylar. Elman Tagaýew 2024-nji ýylyň möwsüminde 15 gol geçirdi we toparynyň gazanan üstünlikli netijelerinde uly orun eýeledi. «Ahal» 67 utuk toplady we ýurdumyzyň Ýokary ligasynyň kümüş medalyny gazandy. Şeýle hem bu topar Türkmenistanyň Kubogynyň final tapgyrynda hem çykyş etdi. Ýatlap geçsek Elman Tagaýew diňe bir "Ahal" futbol toparynyň däl, eýsem, Türkmenistanyň ýygyndy toparynyň hem iň esasy oýunçylarynyň biridir.