Fubol boýunça Türkmenistanyň Kubogynyň finalynda "Arkadag" topary "Ahal" bilen duşuşdy. Arkadag şäheriniň adybir topary “Aşgabat” köpugurly stadionynda geçirilen duşuşykda geçen ýyl finalda çykyş eden “Ahal” toparyny 1:0 hasabynda ýeňlişe sezewar etdi. Şeýlelikde "Arkadag” toparynyň futbolçylary ýurdumyzyň Ýokary ligasyndaky çempionlygyndan we Naýbaşy Kubogyndan soňra möwsümiň dowamynda üçünji baýragyny gazandylar.

Oýundaky ýeke-täk goly 45-nji minutda “Arkadag” toparynyň oýunçysy Begenç Akmämmedowyň depen topy netije getirdi. Duşuşygyň ikinji ýarymynda toparlar hernäçe hüjüm etseler-de hasap üýtgemedi. Şunluk bilen, "Arkadag" topary Türkmenistanyň Kubogynyň eýesi boldy.