11-nji sentýabrda, anna güni, Türkmenistanda futbol toparlaryň ýaşlar düzümleriniň arasynda geçirilýän birinjiliginiň 20-nji tapgyrynyň çäginde dört duşuşyk boldy.

Mary şäherindäki «Merw» stadionynda «Merw» we «Köpetdag» toparlarynyň ýaşlar düzümleri 1:1 hasabynda deňme-deň oýnadylar. Meýdança eýelerinden 7-nji minutda Muhammetdurdy Ataýew tapawutlandy, myhmanlardan bolsa 12-nji minutda Baýramhan Kadyrow hasaby deňledi.

Aşgabatda «Ahalyň» ýaşlar düzümi «Nebitçi» toparynyň ýaşlar düzümini 4:0 hasabynda ýeňdi. Bu duşuşykda Medetgeldi Çaryýew 5-nji we 32-nji minutlarda iki gol geçirdi, ýene bir topy 23-nji minutda Ýolmämmet Garajaýew, başga birini bolsa 90+2-nji minutda Eziz Myratlyýew geçirdi. 34-nji minutda Medetgeldi Çaryýew meýdançadan çykaryldy.

Aşgabadyň Büzmeýin etrabyndaky sport toplumynda «Altyn Asyryň» ýaşlar düzümi «Şagadamyň» ýaşlar düzümini 6:0 hasabynda derbi-dagyn etdi. Gollary Mäti Hojaberdiýew (12-nji minut), Myrat Annaýew (38-nji we 63-nji minutlar), Meýlis Gurbanberdiýew (65-nji we 68-nji minutlar) hem-de Resul Röwşenmyradow (90-njy minut) geçirdiler.

Gökdepe etrabynyň Babarap geňeşligindäki sport desgasynda «Arkadagyň» ýaşlar düzümi «Aşgabat» toparynyň ýaşlar düzümini 4:0 hasabynda ýeňdi. Bu duşuşykda garşydaşynyň derwezesine gollary Nurýagdy Baýramow (13-nji minut), Hajymuhammet Orazow (28-nji minut), Gurbangeldi Garajaýew (36-njy minut) hem-de Orazmuhammet Öwekow (90+2-nji minut) geçirdiler.