Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginiň 3-nji tapgyrynyň duşuşyklary geçirildi.

«Nebitçi II» topary «Aşgabat» toparynyň ýaşlar düzümini 3:1 hasabynda ýeňlişe sezewar etdi. Şeýlelik bilen, «Nebitçi II» toplan 9 utugy bilen ýaryş tertibinde birinji orny eýelemegi dowam edýär.

«Arkadag II» topary myhmançylykda «Altyn Asyr II» toparyndan 2:1 hasaby bilen üstün çykdy. Bu ýeňiş 7 utuk toplan «Arkadag II» toparyny ýaryş tertibinde ikinji orna çykardy. Tapgyryň beýleki duşuşyklarynda «Ahal II» «Merwiň» ýaşlar düzümi bilen deňme-deň oýnady (1:1).

Öz meýdanynda «Köpetdag II» toparyndan üstün çykan (5:2) «Şagadamyň» ýaşlar düzümi utugyny 6-a ýetirip, öňdebaryjy orunlaryň birini eýeleýär.