“Şagadam” futbol topary Türkmenistanyň premýer-ligasynyň futbol çempionatynda bürünç medal almak mümkinçiligini ýitirdi. Muny garşydaşlary “Ahal” we “Altyn Asyryň” yzygiderli ýeňişleri kesgitledi.

20-nji tapgyra meýilleşdirilen oýunda “Ahal” Aşgabat stadionynda “Merwi” 4-0 hasabynda ýeňdi. 23-nji tapgyra meýilleşdirilen oýunda “Altyn Asyr” Büzmeýin etrabynda ýerleşýän öz stadionynda Balkanabadyň “Nebitçi” toparyny 3-0 hasabynda ýeňdi.

Ýene bir yza süýşürilen 22-nji tapgyryň oýnunda “Arkadag” Türkmenistanyň üç gezek çempiony hökmünde paýtagtyň "Nisa" stadionynda “Köpetdagy” 3:0 hasabynda utdy.