30-njy oktýabrda Aşgabat, Türkmenbaşy we Mary şäherlerinde Türkmenistanyň futbol çempionatynyň Ýokary ligasynyň 28-nji tapgyrynyň üç duşuşygy geçiriler.
Türkmenbaşy şäherinde ýerli «Şagadam» çempionatyň kümüş medaly üçin ýiti göreş alyp barýan «Altyn Asyry» kabul eder. Güýçli garşydaşyndan birinji aýlawda rüstem gelen kenarýaka şäheriň topary soňky iki aýlawda ondan ýeňlipdi.
Ýaryş tertibinde biri-birine goňşy bolan iki toparyň özara duşuşygy şol gün Mary şäherinde geçiriljek «Merw» ― «Ahal» duşuşygyny hem gyzyklandyrýar. Çünki «Ahal» hem myhmançylykda «Merwden» üstün çykyp, ikinji orundaky ýerini goramak isleýär. «Ahal» yzda galan üç aýlawda-da hem «Merwi» ýeňmegi başarypdy.
Tapgyrdaky paýtagt derbisinde «Köpetdag» «Aşgabady» kabul eder. Bu duşuşygyň netijesi ýaryş tertibiniň aşakdaky orunlaryny gyzyklandyrýar. Yzda galan üç aýlawda iki toparyň arasyndaky duşuşyklaryň ikisi deňlik bilen tamamlandy, bir duşuşykda bolsa «Aşgabat» ýeňiş gazandy.
28-nji tapgyryň öňe süýşürilen «Arkadag» ― «Nebitçi» duşuşygy futbol janköýerleriniň ýadyndadyr. Bu duşuşykda güýçli garşydaşyndan 5:1 hasabynda üstün çykan «Arkadag» topary şol gün bassyr ikinji çempionlygyny yglan edipdi.
Türkmenistanyň Futbol federasiýasynyň eminler bölümi duşuşyklaryň geçiriljek ýeri, başlanjak wagty we eminleri barada aşakdaky maglumatlary paýlaşýar:
TÝL ― 2024. 28-nji tapgyryň duşuşyklary:
30.10.2024ý. (Çarşenbe)
«Şagadam» – «Altyn Asyr»
Başlanýan wagty: 16:00
Geçirilýän ýeri: «Şagadam» stadiony (Türkmenbaşy ş.)
Duşuşygyň emini: J.Jumamyradow (Aşgabat ş.)
Kömekçi eminler: E.Ýazmyradow (Aşgabat ş.), A.Weliýew (Änew ş.)
Ätiýaçdaky emin: A.Annamyradow (Balkanabat ş.)
Gözegçi emin: H.Rejepow (Aşgabat ş.)
«Merw» – «Ahal»
Başlanýan wagty: 15:30
Geçirilýän ýeri: «Sport toplumy» stadiony (Mary ş.)
Duşuşygyň emini: B.Haknazarow (Aşgabat ş.)
Kömekçi eminler: A.Gurbanow (Aşgabat ş.), N.Garajaýew (Aşgabat ş.)
Ätiýaçdaky emin: M.Şanazarow (Ýolöten ş.)
Gözegçi emin: Ş.Durdyýew (Aşgabat ş.)
«Köpetdag» – «Aşgabat»
Başlanýan wagty: 15:00
Geçirilýän ýeri: «Köpetdag» stadiony (Aşgabat ş.)
Duşuşygyň emini: A.Goşşanow (Tejen ş.)
Kömekçi eminler: K.Sapaýew (Daşoguz ş.), S.Çaryýew (Mary ş.)
Ätiýaçdaky emin: E.Annamyradow (Balkanabat ş.)
Gözegçi emin: E.Ramazanow (Aşgabat ş.)
