«Arkadag» futbol topary merkezi duşuşykda «Ahal» toparyndan üstün çykdy
Futbol boýunça Türkmenistanyň çempionatynyň 16-njy tapgyrynda ýaryşyň birinjiligini saklaýan «Arkadag» futbol topary «Ahal» toparyny 4:1 hasabynda ynamly ýeňdi.
Aşgabatdaky «Nusaý» stadionynda 21-nji sentýabrda geçen oýun myhmanlaryň çalt goly bilen başlandy: eýýäm 8-nji minutda Ýakupmuhammet Gowşudow tapawutlandy. Ýöne arakesmeden soň «Arkadag» topary duşuşygyň gidişini doly üýtgetdi. Didar Durdyýew 60-njy minutda deňligi dikeltdi, soňra Şamämmet Hydyrowyň geçiren iki pökgisi (63-nji we 72-nji minutlar) we Altymyrat Annadurdyýewiň takyk urgusy (68-nji) meýdança eýeleriniň ahyrky üstünligini berkitdi — 4:1.
Bu ýeňişden soň «Arkadag» 63 utuk bilen ýaryş sanawynda ynamly öňdeligi saklaýar.
