Täjigistanyň Futbol federasiýasynyň guramagynda 22 – 24-nji iýul aralygynda Tursunzoda şäherinde ýerli futzal eminleriniň hem-de gözegçi eminleriň gatnaşmagynda okuw-maslahaty geçirildi.

Bu maslahatda futzal boýunça türkmenistanly AFK-nyň gözükdirijisi Wadim Baratow okuw sapagyny geçdi. Täjigistanly gözegçi eminleriň 4-sini, eminleriň bolsa 20-sini bir ýere jemlän bu okuw maslahaty günde iki wagtyna geçirildi. Tutuşlygyna nazaryýet sapaklaryna esaslanan bu maslahat FIFA tarapyndan futzal oýnuna girizilen täze düzgünleri we oýun wagtlary ýüze çykýan çylşyrymly pursatlary seljermäge gönükdirildi.

Çeşmesi: Türkmenistanyň Futbol federasiýasy