Futbol janköýerlerine şu gün, 25-nji oktýabrda ýene bir gyzykly duşuşyk garaşylýar. Gökdepe etrabynyň Babarap obasynda ýerleşýän «Sport mekdep-internatynyň» futbol meýdançasynda sagat 15:00-da başlanjak duşuşykda «Ahal» paýtagtyň «Köpetdagyny» kabul eder.

Ýokary liganyň şu möwsümindäki «Ahal» ― «Köpetdag» duşuşyklary gollara baý boldy. Bu duşuşyklarda birinji aýlawda «Köpetdag» 3:2 hasabynda ýeňiş gazanan bolsa, ikinji we üçünji aýlawlarda «Ahal», degişlilikde, 4:0 we 4:1 hasaplarynda ýeňşi öz adyna ýazdyrdy.  Şu gün hem şeýle duşuşyklaryň birine şaýat bolmak ähtimallygymyz ýokary.

Eger bu gün «Ahal» möwsümde üçünji gezek «Köpetdagdan» üstün çykyp bilse, kümüş medal ugrundaky ýaryşda «Altyn Asyrdan» ýene 3 utuk öňe saýlanar. Ýaryşyň ahyrky basgançagyndaky «Köpetdagam» güýçli garşydaşyndan utuk gazanmak üçin elinden gelenini gaýgyrmaz.

TFF-niň eminler bölümi duşuşygyň geçiriljek ýeri, başlanjak wagty we eminleri barada şu maglumatlary berýärler:

TÝL ― 2024. 27-nji tapgyryň geçirilen duşuşygy:
25.10.2024ý. (Anna)
«Ahal» – «Köpetdag»
Başlanýan wagty: 15:00
Geçirilýän ýeri: Sport mekdep-internatynyň sport desgasy (Gökdepe etr.Babarap obasy)
Duşuşygyň emini: J.Jumamyradow (Aşgabat ş.)  
Kömekçi eminler: R.Ereşow (Türkmenabat ş.), M.Allaberdiýew (Aşgabat ş.)
Ätiýaçdaky emin: E.Ýazmyradow (Aşgabat ş.)
Gözegçi emin: B.Allaberdiýew (Aşgabat ş.)