Türkmenistanyň futbol federasiýasy ýakynda paýtagtymyzdaky “Aşgabat” köpugurly stadionynyň mejlisler zalynda Ýokary liga futbol klublarynyň ýolbaşçylary we baş tälimçileri bilen duşuşyk geçirdi.

Duşuşykda TFF-niň şu ýylyň ýanwar-iýul aýlary aralygynda ýaryşlary guramak we geçirmek, eminler, klublary ygtyýarlandyrmak hem-de tehniki bölümi tarapyndan geçirilen işler barada hasabat berildi. Mundan başgada, möwsümiň ikinji ýarymynda eminleriň we tälimçileriň okuw maslahatlaryny geçirmek, Türkmenistanyň çempionatynyň we ýaşlar toparlaryň arasyndaky Türkmenistanyň birinjiliginiň senenamalary boýunça hem-de toparlardan gelip gowşan teklipleri durmuşa geçirmek barada pikir alşyldy.

Çeşmesi: Türkmenistanyň futbol federasiýasy