Türkmenistanyň nebitgaz toplumy «Arkadag Serdarly bagtyýar ýaşlar» ýylynyň jemlerine bagyşlanyp geçirilen halkara ylmy-amaly maslahatyň we serginiň çäklerinde geçirilen «Iň gowy sergi meýdançasy we taslama işleri» atly bäsleşikde ikinji orna we bu ornuň Diplomyna mynasyp boldy.

Toplum Türkmenistanyň Bilim ministrligi, Ylymlar akademiýasy we Magtymguly adyndaky Ýaşlar guramasynyň Merkezi Geňeşi tarapyndan geçirilen bäsleşige «Türkmenistanyň nebitgaz toplumynyň innowasion işlemek prosesi» atly taslama işi bilen gatnaşdy. Bu iş bäsleşigiň guramaçylarynyň we eminleriniň ýokary bahasyna mynasyp boldy.

Degişli diplom topluma Türkmenistanyň bilim ministri, Ylymlar akademiýasynyň prezidenti we Magtymguly adyndaky Ýaşlar guramasynyň Merkezi Geňeşiniň başlygy tarapyndan gowşuryldy.