Geçen ýyl (2023-nji ýylda) Baku-Tbilisi-Jeýhan turbageçirijisi arkaly üstaşyr geçirilen nebitiň umumy möçberiniň 17,4 göterimi Türkmenistan bilen Gazagystanyň paýyna düşýär. Üstaşyr geçirilen Türkmenistanyň we Gazagystanyň nebitiniň paýy 5 million 240,7 müň tonna deň boldy.

Hasabat döwründe Baku-Tbilisi-Jeýhan turbageçirijisiniň üsti bilen daşalan nebitiň umumy mukdary 30 million 191,6 müň tonna barabar boldy. Bu görkeziji 2022-nji ýyl bilen deňeşdirilende 1,5 göterim ýokarydyr.

Ýeri gelende belläp geçsek, degişli turbageçiriji arkaly 2023-nji ýylyň ýanwar – noýabr aýlarynda akdyrylan nebitiň umumy möçberiniň 17,3 göterimi ýa-da 4 million 780,8 müň tonnasy Türkmenistanyň we Gazagystanyň paýyna düşüpdi.