Türkmenistanyň topary iri Huawei kompaniýasy tarapyndan maglumat-kommunikasiýa tehnologiýalar boýunça gurnalan bäsleşikde («Huawei ICT Competition 2025-2026 Global Final») üçünji orun eýeledi. Bäsleşigiň jemleýji tapgyry Hytaý Halk Respublikasynyň Şençžen şäherinde geçirildi.
Türkmenistanyň toparynyň düzüminde Ýagşygeldi Kakaýew adyndaky Halkara nebit we gaz uniwersitetiniň talyplary Yslam Haýytmuhammedow we Gurban Orazmämmedow, Türkmenistanyň Telekommunikasiýalar we informatika institutynyň talyby Arslan Italmazow çykyş etdiler. Türkmenistanyň ýygyndy toparyna Türkmenistanyň Bilim ministrliginiň Sanly ulgam we maglumat howpsuzlygy bölüminiň baş hünärmeni Şirmuhammet Wepaýew ýolbaşçylyk etdi.
Türkmenistanly gatnaşyjylar bu bäsleşikde Practical competition network tracking ugry boýunça çykyş etdiler. Bu ugruň esasy maksady korporatiw ulgamlary taslamak, sazlamak we olaryň howpsuzlygyny üpjün etmek ukyplaryny toplumlaýyn barlamakdan ybarat boldy. Jemleýji tapgyrda gatnaşyjylar torda ugurlandyrylyşy sazlamak we gurluş näsazlyklary aradan aýyrmak boýunça çylşyrymly meseleleri çözdüler. Ýumuş laboratoriýa şertlerinde geçirilip, ol sekiz sagat dowam etdi.
«Huawei ICT Competition 2025-2026» bäsleşigi birnäçe tapgyrlarda geçirildi: birinji tapgyry gatnaşyjylaryň öz ýurtlarynyň içinde, ikinji tapgyr bolsa sebitleýin derejesinde geçirildi. Üçünji, bütindünýä tapgyryna gatnaşmak üçin dünýäniň 40-dan gowrak ýurdundan gelen 170 topary emele getiren 500 sany gatnaşyjylar saýlanyp alyndy.
