Ykdysady hyzmatdaşlyk boýunça hökümetara Türkmen-ýapon we Ýapon-türkmen komitetleriniň bilelikdäki 15-nji mejlisi 17-nji dekabrda Aşgabat şäherinde geçiriler. Çäräniň dowamynda Ýaponiýanyň iň uly korporasiýalarynyň ýokary derejeli ýolbaşçylary hem goşmak bilen, 100-e golaý wekiliň gatnaşmagyna garaşylýar.

Çäräni Russiýa we GDA ýurtlary bilen söwda-ykdysady gatnaşyklary boýunça Assosiasiýa (ROTOBO) guraýar. Mejlisiň gün tertibine ulag infrastrukturasyny, elektroenergetika, senagat, suw hojalygy, maliýe, ekologiýa, bilim we saglygy goraýyş ugurlaryny öz içine alýan meseleler girýär. Taraplar hyzmatdaşlygy pugtalandyrmaga, maýa goýumlary çekmäge we innowasiýalary ornaşdyrmaga gönükdirilen taslamalary ara alyp maslahatlaşarlar.

Çeşme: Türkmenistan Halkara habarlar merkezi