18-nji sentýabrda «Ahal» FK Türkmenistanyň futbol çempionatynyň 24-nji tapgyrynyň çäginde «Nebitçi» toparyny 2:0 hasabynda ýeňdi. 

Ýeňiş gazanan toparyň pökgilerini hüjümçiler Daýanç Meredow we Elman Tagaýew derwezä girizdiler. 

Bu ýeňşi bilen çempionatda 46-njy utugyny gazanan «Türkmennebitönümleri» Baş müdirliginiň topary ýaryş jedwelinde ikinji orna ýerleşdi. «Nebitçi» bolsa 22 utuk bilen altynjy orunda barýar. 

Indiki tapgyrda «Ahal» «Şagadamy» kabul eder, «Nebitçi» bolsa Aşgabat şäherinde myhmançylykda bolar.