8-nji sentýabrda "Ahal" we "Köpetdag" futbol toparlary Türkmenistanyň kubogynyň çärýek finalynyň jogap oýnunda duşuşdy.

Duşuşyk 3:3 deňlikde tamamlandy. “Köpetdag” toparynyň oýunçysy Süleýman Mirzow 7-nji minutda oýnuň ilkinji pökgüsini tora girizdi. Duşuşygyň 34-nji minutynda Daýanç Meredow hasaby deňledi. 38-nji minutynda “Ahal” toparynyň hüjümçisi Meýlis Diniýew toparyny öňe saýlady. 56-njy minutda Şiri Annaýew jerime urgusyndan gol geçirip, hasapdaky deňagramlylygy dikeltdi. Duşuşygyň 77-nji minutynda Jumaguly Jumaýew Köpetdagy ýene öňe saýlady.

Oynuň hasabyny 104-nji minutda pökgini tora girizen "Ahal" toparynyň hüjümçisi Meýlis Diniýew kesgitledi. Çärýek final oýnunyň ilkinji duşuşygynda "Ahal" öz garşydaşyny 2:1 hasabynda ýeňdi. Şeýlelikde, “Türkmennebitönümleri” Baş müdürliginiň topary futbol boýunça Türkmenistanyň kubogynyň ýarym finalyna çykdy. “Ahal” ýaryşyň indiki tapgyrynda “Altyn Asyr” bilen bäsleşer.