Türkmenistanyň Jemgyýetçilik guramalary merkezinde medeniýet, sport, syýahatçylyk, jemgyýetçilik guramalary, söwda we telekeçilik boýunça kärdeşler arkalaşyklarynyň iş maslahaty geçirildi. 

Halk Maslahatynyň agzalarynyň we kärdeşler arkalaşyklary guramalarynyň wekilleriniň gatnaşmagyndaky duşuşykda Halk Maslahatynyň nobatdaky mejlisiniň jemgyýetiň ösüşi we «Türkmenistanyň Prezidentiniň ýurdumyzy 2022-2028-nji ýyllarda durmuş-ykdysady taýdan ösdürmek boýunça maksatnamasynyň»  durmuşa geçirilmegi boýunça ähmiýetini ara alyp maslahatlaşdylar. 

Iş maslahatyna ýygnananlar Türkmenistanyň Garaşsyzlygynyň 33 ýyllyk baýramyna işjeň taýýarlyk görmek we Türkmenistanyň Halk Maslahatynyň nobatdaky mejlisini ýokary derejede geçirmek üçin işleriň talabalaýyk ýerine ýetiriljegi barada ynandyrdylar. 

Çeşme: Türkmenmetbugat