Türkmenistanyň «Senagat» paýdarlar täjirçilik banky raýatlaryň haýyr-sahawat serişdelerini geçirmek üçin «Senagat töleg» mobil goşundysyny işe girizdi.

Goşundy türkmenistanlylara Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasyna haýyr-sahawat serişdelerini geçirmek üçin nagt däl görnüşinde töleg etmek mümkinçiligini özünde jemleýär.

Mobil goşundy smartfonlarda ýa-da planşetlerde hakyky wagtda bank amallaryny amala aşyrmaga mümkinçilik döredýär. Ony «Google Play» we «App Store» boýunça ýükläp bilersiňiz.

Goşundyny ýükläp alan raýatlar «Altyn Asyr» bank kartlary arkaly Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasyna pul serişdelerini geçirip bilerler.

 Çeşme: turkmenistaninfo.gov.tm