«Türkmennebit» döwlet konserniniň «Nebitgazburawlaýyş» trestiniň Abatlaýyş-mehaniki zawodynyň tehniki önümçilik bölüminiň inžener-tehnology Kemal Aýjanow «Guýulardaky nebiti almakda bökdençlik döredýän laýy we gaty jisimleri arassalaýjy enjam» diýen ylmy işi bilen Türkmenistanyň ýaşlarynyň arasynda geçirilen ylmy işleriň bäsleşiginde ýeňiji bolmagy başardy.

Bäsleşikde üçünji orna mynasyp bolan ýaş inžener Türkmenistanyň Prezidenti Serdar Berdimuhamedowyň gol çeken Permany bilen degişli diplom we telewizor bilen sylaglanyldy. Degişli Perman bilen ýurdumyzyň ýaşlarynyň 107-si bu abraýly bäsleşigiň ýeňijisi boldular.

Öz işlerini ylmy gözlegleri bilen utgaşdyrýan ýaş kärdeşimizi gazanan ýeňşi bilen tüýs ýürekden gutlaýarys! Onuň ylmy gözlegleriniň dowamat, täze üstünliklere ýar bolmagyny arzuw edýäris!