Aşgabatda bu ugurda bilelikdäki çäreleri utgaşdyrmak, aragatnaşyk gurmak we netijeli durmuşa geçirmek üçin milli derejede döredilen «Bitewi saglyk» çemeleşmesini durmuşa geçirmek boýunça Milli pudagara utgaşdyryjy toparyň ilkinji ýygnagy geçirildi.
Türkmenistanda adamlaryň, haýwanlaryň we ekoulgamlaryň saglygyny ýokarlandyrmagy maksat edinýän «Bitewi saglyk» çemeleşmesini durmuşa geçirmek üçin uly işler durmuşa geçirilýär. Çylşyrymly saglyk kynçylyklaryny ýeňip geçmek we bu çemeleşmäni üstünlikli durmuşa geçirmek hökümetiň dürli pudaklarynyň arasynda utgaşdyrylan hyzmatdaşlygy talap edýär.
Türkmenistanda «Bitewi saglyk» çemeleşmesini netijeli durmuşa geçirmek üçin Türkmenistanyň Saglygy goraýyş we derman senagaty ministrliginden, Türkmenistanyň Oba hojalyk ministrliginiň garamagyndaky Döwlet weterinariýa gullugyndan we Türkmenistanyň Daşky gurşawy goramak ministrliginden milli utgaşdyryjylar bellendi.
Toparyň döredilmegi Türkmenistanyň saglyga we durnukly ösüşe bitewi çemeleşmäni öňe sürmek borjuny görkezýär.
