Türkmenistanyň Döwlet haryt-çig mal biržasynda 20-nji maýda geçirilen birža söwdalarynda içerki bazarda «Türkmennebit» döwlet konserniniň önümlerini satyn almak boýunça geleşikler baglaşyldy.

Türkmenistanyň işewür toparlarynyň wekilleri «Türkmennebit» döwlet konserni bilen «SN-350» kysymly başlangyç ýagyny satyn almak boýunça geleşikleri baglaşdylar.

Şeýle hem içerki bazarda birinji hilli bugdaý unyny we çig ýüpegi satyn almak boýunça geleşikler baglaşyldy — «Türkmenýüpek» ýapyk görnüşli paýdarlar jemgyýeti we «Türkmengallaönümleri» döwlet birleşigi bilen.

Daşarky bazarda Türkiýe Respublikasynyň işewür toparlarynyň wekilleri türkmen işewürlerinden pagta süýümini we nah ýüplügi satyn aldylar. Azerbaýjanyň işewürleri hem türkmen telekeçilerinden nah ýüplügi satyn almak boýunça geleşikleri baglaşdylar.

Söwdalaşyklaryň barşynda jemi 64 639 000 manada we 1 326 600 ABŞ dollaryna deň bolan 8 geleşik baglaşyldy.