Türkmenistan we Ýewropa Bileleşigi energetika ulgamynda hyzmatdaşlyk üçin giň mümkinçilikleriň bardygyny belleýärler. Bu mesele Türkmenistanyň Belgiýadaky ilçisi Sapar Palwanowyň Litwa Respublikasynyň Ýewropa Bileleşiginiň ýanyndaky hemişelik wekili Nariýus Alekseýunas bilen geçiren duşuşygynyň dowamynda ara alnyp maslahatlaşyldy diýip, Türkmenistanyň diplomatik wekilhanasynyň resmi saýtynda habar berilýär.

Global Gateway başlangyjynyň durmuşa geçirilmeginiň çäklerinde taraplar ulag baglanyşygy, durnukly infrastrukturalaryň ösdürilmegi we howanyň üýtgemegi ýaly ugurlarda hem hyzmatdaşlygyň mümkinçiliklerini kesgitlediler.

Diplomatlar Aşgabat bilen Brýusseliň arasyndaky hyzmatdaşlygy hil taýdan täze derejesine çykarmagyň zerurdygyna ünsi çekip, munuň üçin syýasy gepleşkleri pugtalandyrmagyň, amaly aragatnaşygy giňeltmegiň we şertnama-hukuk binýady kämilleşdirmegiň möhümdigini bellediler.

Şeýle hem Türkmenistanyň bilen Litwanyň arasyndaky gatnaşyklaryň ösüşindäki oňyn häsiýetine aýratyn üns berildi.