Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 30-njy dekabrda Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenko bilen telefon arkaly söhbetdeş boldy. Taraplar Täze ýyl gutlaglary alyşdylar we ikitaraplaýyn hyzmatdaşlygyň geljegini ara alyp maslahatlaşdylar.

Gahryman Arkadagymyz Garaşsyz Döwletleriň Arkalaşygynyň döwlet baştutanlarynyň Geňeşiniň çözgüdine laýyklykda, 2026-njy ýylyň 9-njy oktýabrynda Türkmenistanda Arkalaşygyň nobatdaky sammitiniň geçiriljekdigini aýtdy. Çäre iri halkara forumlary guramak üçin ähli şertleriň bar bolan «Awaza» milli syýahatçylyk zolagynda geçirilmegi meýilleşdirilýär.

Söhbetdeşligiň dowamynda Gurbanguly Berdimuhamedow Türkmenistanyň Prezidentiniň Beýik Ýeňşiň 80 ýyllygyna bagyşlanan dabaralara we GDA-nyň agza döwletleriniň baştutanlarynyň duşuşygyna gatnaşmak üçin Russiýa amala aşyran saparlarynyň ähmiýetini belledi. Milli Liderimiz Türkmenistandan mekdep okuwçylarynyň wekiliýetiniň gatnaşan «Hakyda otlusy» ("Поезд памяти") başlangyjyny dumuşa geçirýändigi üçin minnetdarlyk bildirdi.

Gahryman Arkadagymyz Türkmenistanyň Russiýanyň hyzmatdaşlygy pugtalandyrmaga bolan taýýarlygyny we ýurduň bitarap daşary syýasat ugruny goldamagyny ýokary bahalandyrýandygyny belledi. Munuň aýdyň subutnamasy hökmünde Russiýanyň prezidenti Wladimir Putiniň Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli guralan halkara forumyna gatnaşmak üçin Aşgabada amala aşyran sapary boldy.

Türkmenistanyň GDA-da başlyklyk etmeginiň çäklerinde Zenanlaryň Geňeşiniň mejlisi, GDA-nyň Parlamentara Assambleýasynyň mejlisi we Demografiýa meseleleri boýunça konferensiýa ýaly çäreleriň taýýarlygyna ähmiýet berildi.

Gurbanguly Berdimuhamedow Walentina Matwiýenko öz adyndan we Türkmenistanyň Prezidenti Serdar Berdimuhamedowyň adyndan türkmen-rus gatnaşyklaryny ösdürmäge goşan şahsy goşandy üçin tüýs ýürekden minnetdarlyk bildirdi.