Her ýyl 1-nji sentýabrynda bellenilýän Bilimler we talyp ýaşlar güni mynasybetli 24-nji awgustda Ýagşygeldi Kakaýew adyndaky Halkara nebit we gaz uniwersitetinde «Berkarar döwletiň täze eýýamynyň Galkynyşy döwründe ýokary derejeli inžener-tehniki hünärmenleri taýýarlamagyň wajyplygy» atly ylmy-amaly maslahat geçirildi.

Ylmy-amaly maslahatyň umumy mejlisinde uniwersitetiň professordyr mugallymlary Türkmenistanyň Prezidenti Serdar Berdimuhamedowyň taýsyz tagallalary netijesinde ýurdumyzda ylym-bilim ulgamyny ösdürmekde uly işleriň amala aşyrylýandygyny belläp geçdiler. Hünärmenleriň ynsanperwer taýýarlygynyň kämilleşdirilmegine aýratyn üns berdildi.

Ylmy-amaly maslahata gatnaşyjylar dünýäniň parahatçylygyny pugtalandyrmak baradaky Gahryman Arkadagymyzyň, Arkadagly Gahryman Serdarymyzyň beýik başlangyçlarynyň elmydama rowaç bolmagyny, janlarynyň sag, ömürleriniň uzak bolmagyny arzuw etdiler.