Bulut oýnap belent daglaň  başynda

Tebigata läle reýhan dolandy

Çeşme-çaýlar şaglap dolup daşanda

Tolkunlarna däli porhan dolandy

Çigildemler bezäp daglaň deresin

Baýyrlar bürenip ýaşyl begresin

Balarylar ýygnap gülleň şiresin

Sähralara gözel meýdan  dolandy

Kebelekler baglaň gülün guçarlar

Garlawaçlar pessaý-pessaý uçarlar

Älemgoşar gögüň ýüzün gulaçlar

Köňüllere şatlyk heýjan  dolandy

Çemenzarlyk sähralary gark eder

Müň dürli gülleň ysy bark urar

Goja zemin zenan kimin bezener

Bir ajaýyp bagy bossan  dolandy

Mülki lezzetini seçip jahana

Nowruzym düşledi ajap mekana

Kalba Ylham, şirin sözler dahana

Eçilip bimöçber dessan dolandy

Türkmenistanyň Nebitgaz senagaty toplumynyň işgärleriniň kärdeşler arkalaşygy boýunça tehniki gözegçisi

Geldimyrat Seýtiýew