“Türkmennebit” Döwlet konserni Bäsleşik toparynyň adyndan № 158 belgili halkara açyk bäsleşigi aşakdaky lot boýunça satyn alyş üçin yglan edýär:

Lot № 5 – Himiki önümler we kömekçi materiallar.

Siz aşakdaky salga ýüz tutup bilersiňiz:
Türkmenistan, Aşgabat şäheri, Arçabil şaýoly, 56, 4-nji gat, “Türkmennebit” DK:

– Bäsleşige gatnaşmak isleýändigiňiz hakynda arza tabşyryň (ofşor zonalarda hasaba alnan ýa-da bank hasaplary bolan gatnaşyjylaryň arzalary kabul edilmeýär). Arzada gatnaşyjynyň doly adyny, onuň hukuk ýagdaýyny, hasaba alnan ýurduny we bank maglumatlaryny görkezmek zerurdyr;
– Türkmenistanyň “Döwlet sargytlary üçin harytlary satyn almak, işleri we hyzmatlary ýerine ýetirmek boýunça bäsleşikler hakynda” Kanuny, “Bäsleşik geçirmegiň düzgünleriniň” çykarylyşy we bäsleşige gatnaşmak üçin gerekli resminamalaryň sanawy bilen tanyş boluň;
– Lotuň spesifikasiýasyny, tehniki talaplaryny we şertnamanyň esasy şertlerini alyň;
– Bäsleşige gatnaşmak üçin 575 ABŞ dollary (salgyt bilen) ýa-da şuňa deň bolan manat möçberinde pul töleginiň hasabyny alyň.

Ýokarda görkezilen bäsleşige isleg bildirýän ähli işjeň üpjün edijiler gatnaşyp bilerler.
Bäsleşik bilen bagly ähli gerekli maglumatlary aşakdaky elektron salgylardan alyp bilersiňiz: www.turkmennebit.gov.tm, www.oilgas.gov.tm ýa-da ýokarda görkezilen salgy boýunça ýüz tutup bilersiňiz.

Bäsleşik teklipleri «Нейтральный Туркменистан»  gazetinde şu bäsleşik baradaky bildirişiň resmi çap edilen gününden başlap 30 (otuz) iş gününiň dowamynda, emma ýerli wagt bilen 16:00-dan gijä galman kabul edilýär.
Belläp geçmeli zat, görkezilen möhletden soň gelen teklipler seredilmeýär.

Pul serişdelerini geçirmek üçin hasap bäsleşige gatnaşmak baradaky ýazmaça arza tabşyrylanda görkeziler.

Doly bäsleşik teklibi ýerleşdirilen we möhür bilen tassyklanan bir bukja, bildiriş çap edilen gününden başlap, ýokarda görkezilen salga eltilmelidir we oňa pul serişdeleri hasaba geçenden soň seredilýär. Bäsleşik bukjasyna hökmany ýagdaýda elektron görnüşde anketa, şertnamanyň esasy şertleri (“Word” formatda) we tehniki-ykdysady spesifikasiýa (“Excel” formatda) goşulmalydyr.

Habarlaşmak üçin telefonlar:
40-39-24, 40-39-90 (arzalary tabşyrmak üçin faks);
40-39-90, 40-39-93, 40-35-68, 40-37-85 (tehniki meseleler boýunça).
Elektron salgysy: fer@turkmennebit.gov.tm