“Türkmennebit” Döwlet konserni bäsleşik toparynyň adyndan № 150 belgili halkara açyk bäsleşigi aşakdaky lot boýunça yglan edýär:

Lot № 2 – Zawod üçin umumy maksatly, tehnologiki we buraw enjamlary.

Bäsleşige gatnaşmak isleýänler aşakdaky salgy boýunça ýüz tutup bilerler: Türkmenistanyň Aşgabat şäheri, Arçabil şaýoly, 56, 4-nji gat, “Türkmennebit” Döwlet konserni:

– Bäsleşige gatnaşmak islegi barada arzany tabşyryň (ofşor zonalarda hasaba alnan ýa-da bank hasaplary bar bolan gatnaşyjylardan arza kabul edilmeýär) we bu arzada gatnaşyjynyň doly adyny, hukuk ýagdaýyny, hasaba alnan ýurdy we bank maglumatlaryny görkezmek zerurdyr;

– Türkmenistanyň “Döwlet zerurlyklary üçin harytlary üpjün etmek, işleri geçirmek we hyzmatlary ýerine ýetirmek boýunça bäsleşikler hakynda” Kanuny, “Bäsleşik geçirmek düzgünlerinden” göçürme hem-de bäsleşige gatnaşmak üçin zerur resminamalaryň sanawy bilen tanyşyň;

– Lotyň spesifikasiýasyny, tehniki talaplary we şertnamanyň esasy şertlerini alyň;

– Bäsleşige gatnaşmak üçin lota ABŞ-nyň 575 dollary möçberindäki (NDH bilen bilelikde) ýa-da manatda ekwiwalent serişdäniň töleg hasabyny alyň.

Ýokarda görkezilen bäsleşige gyzyklanma bildirýän ähli üpjün edijiler gatnaşyp bilerler.

Bäsleşik boýunça ähli zerur maglumatlary www.turkmennebit.gov.tm, www.oilgas.gov.tm elektron salgylaryndan ýa-da ýokarda görkezilen salgydan alyp bilersiňiz.

Bäsleşik teklipleri «Нейтральный Туркменистан»  gazetinde bu bäsleşik baradaky resmi bildiriş çap edilen gününden başlap 30 (otuz) iş gününiň dowamynda, ýöne ýerli wagt bilen sagat 16:00-dan gijä galman kabul edilýär. Görkezilen möhletden soň gelen teklipler seredilmeýär.

Pul serişdelerini geçirmek üçin hasap belligi ýazmaça ýüz tutma bilen birlikde görkeziler.

Bäsleşik boýunça doly teklip, möhür bilen tassyk edilen bir bukjada, bildiriş çap edilen gününden başlap ýokarda görkezilen salgy boýunça tabşyrylmaly we ol maliýe serişdeleriniň hasaba gelip gowuşmagyndan soň kabul edilýär. Bukjanyň içine hökmany suratda “Word” formatynda anketa we şertnamanyň esasy şertleriniň elektron görnüşi, şeýle hem “Excel” formatynda tehniki-ykdysady spesifikasiýasy salynmalydyr.

Maglumat üçin telefon belgiler:

40-39-24 (arzalary tabşyrmak üçin faks);

40-39-93, 40-31-59, 40-39-31 (tehniki soraglar üçin);

elektron poçta salgysy: fer@turkmennebit.gov.tm